A Central Folque e o Concello da
Pobra de Trives teñen organizado para a próxima fin de semana a primeira
edición do encontro de violín popular.
O programa iniciarse o venres 9
cunha sesión didáctica sobre O violín de Courtier, a partir das dez da
mañá. Xa pola noitiña, ás 20.30 horas, na Casa da Cultura terá lugar o
concerto de Talabarte; desta volta aberto ao público en xeral. O sábado,
ás sete haberá un foro sobre Paisaxes histórico-musicais das Terras de
Trives e o concerto de Comisa Bal. Para pechar, o domingo ás 18.30 horas
actuará Pancho Álvarez. Todas as actividades teñen entrada de balde.
Oportunidade de aprender
Mais non é todo. Xa na fin de
semana, na casa rural Os Trintas de Trives (que colabora na organización
do encontro) terá lugar un curso intensivo de violín, impartido por
Pancho Álvarez. O custe por asistir é de 140 euros, máis o prezo inclúe
tamén o aloxamento en réxime de pensión completa na casa rural dende o
venres ao domingo. Os interesados poden recibir máis información en
www.folque.com.
No hay comentarios:
Publicar un comentario